波斯尼亞贏波唔蘭

2020-10-08 10:28:30 来源:网络

卡士實力高一班
歐國盃外圍賽附加賽B組4強,波斯尼亞主場迎戰北愛爾蘭,波斯尼亞人腳質素不俗,擁有多位效力大球會嘅球星助陣,包括羅馬射手迪斯高、巴塞隆拿中場比真歷等,整體實力喺北愛爾蘭之上。雙方曾於2年前兩次交鋒,波斯尼亞都勝出,再追主勝。(有線662及602台周五凌晨2時45分直播)

波斯尼亞喺歐國盃外圍賽分組賽僅排第4位,未能取得直接出線權,要靠上屆歐國聯B3組榜首身份,踢今次附加賽。不過,睇番波斯尼亞喺外圍賽分組賽主場成績,其實相當唔錯,5戰取得3勝1和1負,當中只係輸畀同組實力超班嘅意大利,甚至曾大勝第2位芬蘭4比1,所以今場有埋地利優勢,應該好大機會擊敗北愛爾蘭。

2次交手贏晒北愛
北愛爾蘭大部分球員只係效力英格蘭低組別球隊,或者蘇超球隊,比較有名氣嘅主力僅得李斯特城中堅莊尼伊雲斯,以佢嘅級數面對迪斯高同比真歷,恐怕難以招架。

事實上,兩隊喺2年前歐國聯兩次交鋒,波斯尼亞分別主場贏2比0及作客贏2比1,其中主場一役,迪斯高更加梅開二度,可見雙方實力有距離,今場可以再追波斯尼亞主勝。
246免费资料大全 天下 小说