愛爾蘭最叻守細波

2020-10-08 10:29:42 来源:网络

斯洛伐克喺歐國外附加賽B組4強主場迎戰愛爾蘭,兩隊都係上屆歐國盃決賽周分子,實力不相伯仲。斯洛伐克受疫情影響備戰,要攻破愛爾蘭嘅堅韌防線有一定難度,預料入球數字偏低,中位數2.5球嘅入球細係最佳選擇。(有線603台周五凌晨2時45分直播)

疫情影響斯洛伐克備戰
今場勝方會同波斯尼亞或北愛爾蘭爭奪一個決賽周席位,斯洛伐克有效力國際米蘭嘅中堅史堅尼亞壓陣,不過賽前備戰就出現唔少問題,效力拿玻里嘅進攻核心盧保卡,因為球會多人感染新冠肺炎,一直被隔離,直到開波前2日檢測陰性先至獲放行歸隊,另一主將咸錫亦因疫情影響,無緣上月2場歐國聯賽事,備戰不足下,斯洛伐克嘅進攻能力必受影響。

愛爾蘭向來守強攻弱,陣中能夠喺英超立足嘅多屬中後場球員,馬特杜靴迪、艾根等領導嘅5人防線一直維持高水平表現,愛爾蘭過去7場作客賽事全開2球或以下,面對強隊或弱旅,都係獨沽一味踢穩陣波,作客魚腩直布羅陀亦只係小勝1比0,今場博細盤最穩陣。
246免费资料大全 天下 小说