羅馬尼亞新世代大舉伐冰

2020-10-08 10:32:03 来源:网络

歐國外附加賽A組4強大戰,冰島主場鬥羅馬尼亞。冰島近年表現無復當年勇,不過嚟到一場過嘅淘汰賽,一向主場成績唔錯嘅冰島唔會舉白旗投降;羅馬尼亞近年有復甦迹象,總計歐國聯同歐國外,佢哋近6場作客3勝1和2負,全開3球或以上,作客有本錢對攻,首選中位數2.5球大。(有線664及604台周五凌晨2時45分直播)

冰島主場唔會縮
2016歐國盃決賽周表現一鳴驚人嘅冰島,實力曝光後近年成績大不如前,近2屆歐國聯6場分組賽全部輸晒,加埋失咗19球,防線穿窿易失波,但考慮到今次歐國附改為一場過淘汰制,冰島喺上年歐洲國家盃外圍賽5場主場贏4場,唯一輸波對手係應屆世盃冠軍法國,表現唔算失禮,為爭晉級相信今場唔會死守,必藉地利主動搶攻。

羅馬尼亞喺上屆歐國聯C4賽事6戰不敗,得以獲得今次附加賽參賽資格,佢哋喺新一屆歐國聯頭2場亦先後擊敗奧地利同打和北愛爾蘭,水準保持穩定。隨住伊亞尼斯赫傑、佐治普斯卡斯等新世代崛起,羅馬尼亞整體踢法變得更主攻,近6場作客獲3勝1和2負,入13球失11球,總入球全開3球或以上,有力同冰島合演入球騷,中位數2.5球大相當值博。
246免费资料大全 天下 小说